ဖို့ဝိန်းမြို့ (၂၄)နှစ်မြောက်ရှစ်လေးလုံးနှစ်ပတ်လည်အခမ်းအနားသို့ပေးပို့သောသ၀ဏ်လွှာ

     နိုင်ငံတကာမြန်မာအမျိုးသားကွန်ကရက်ဖောင်ဒေးရှင်း

ဖို့ဝိန်းမြို့ (၂၄)နှစ်မြောက်ရှစ်လေးလုံးနှစ်ပတ်လည်အခမ်းအနားသို့ပေးပို့သောသ၀ဏ်လွှာ

(၄)ရက်၊ သြဂုတ်လ၊ ၂၀၁၂ခုနှစ်

(၁)ဗမာပြည်သူလူထုတရပ်လုံးက စွန့်စွန့်စားစား တပါတီစစ်အာဏာစနစ်ကို ဆန့်ကျင်တိုက်ပွဲဝင် လာခဲ့ကြ သည်မှာ(၂၄)နှစ်ကာလတွင်းသို့ပင်ချည်းနင်းဝင်ရောက်လာပြီဖြစ်ပြီး၊ဤ ရှစ်လေးလုံးဒီမိုကရေစီတော်လှန် ရေးအတွက်ကျောင်းသား၊ ရဟန်းရှင်လူ၊ပြည်သူအပေါင်းတို့သည် လွတ်လပ်၍တရားမျှတ၊တိုးတက်မှုအ၀၀ ရှိစေသောစစ်မှန်သောဒီမိုကရေစီနိုင်ငံရေးစနစ်ပြန်လည်တည်ဆောက်နိုင်ရေးဆိုသောစေတနာဖြင့်သူတို့၏ အဖိုးမဖြတ်နိုင်လှသော အသက်၊သွေး၊ ဘ၀ပေါင်းများစွာကိုပေးဆပ်တိုက်ပွဲဝင်ခဲ့ကြသူများကို၎င်း၊ ရှစ်လေး လုံးတော်လှန်ရေး၏ စစ်မှန်သောဒီမိုကရေစီပန်းတိုင်အထိရောက်ရှိအောင်ဆက်လက်လှုပ်ရှားတိုက်ပွဲဝင်နေ သူအပေါင်းတို့ကို၎င်း၊ စစ်အာဏာရှင်စံနစ်ကိုတွန်းလှန်၍ လွတ်လပ်သည့်ဒီမိုကရေစီနိုင်ငံထူထောင်ရေးလူ ထုလှုပ်ရှားမှုကြီး၏သမိုင်းရေးဖြစ်စဉ်များနှင့် ရှစ်လေးလုံးစိတ်ဓာတ်ကိုမျိုးဆက်သစ်များအနေဖြင့် လက်ဆင့် ကမ်းသယ်ဆောင်နိုင်စေရန်သမိုင်းပေးတာဝန်ကျေပြွန်စွာဖြင့်ဤ(၂၄)နှစ်မြောက်ရှစ်လေးလုံးအထိမ်းအမှတ် အခမ်းအနားကိုဦးဆောင်ကျင်းပပေးသောဖို့ဝိန်းမြို့ဒီမိုကရေစီအင်အားစုများကို၎င်း၊ဤအခမ်းအနားကြီးနှင့် အတူသစ္စာတရားလက်ကိုင်ထားလျှက်လေးလေးနက်နက်ဦးညွတ်ဂုဏ်ပြုလိုက်ပါတယ်။

(၂)ဤရှစ်လေးလုံးဒီမိုကရေစီတော်လှန်ရေးကြီး၏ အဓိက ဦးတည်ချက်မှာ စစ်အာဏာရှင်စနစ် အမြစ်ပြတ် တိုက်ဖျက်ချေမှုန်းရေးနှင့် အတူပြည်သူလူထုအုပ်စိုးသည့်ဒီမိုကရေစီစနစ်ကိုအစားထိုးတည်ဆောက်ရေးပင် ဖြစ်လေသည်။ဤဦးတည်ချက်မူဝါဒဖြင့် ယနေ့လက်ရှိဖြစ်စဉ်များကိုတိုင်းတာကြည့်သောအခါကျနော်တို့အ နေဖြင့်မူလရည်ရွယ်ချက်အတွက်အန္တရယ်ကြီးလှသော မေးခွန်းပေါင်းများစွာပေါ်ထွက်လာခြင်းနှင့် အတူယ နေ့ လက်ရှိမြန်မာ့နိုင်ငံရေးအခင်အကျင်းများသည် စစ်အုပ်စုအလိုကျ အတုအယောင် ပြုပြင်ပြောင်းလဲရေး ရေစီးကြောင်းတွင် ရေလိုက်ငါးလိုက်၊ မျောလိုက်၊မျောပါနေကြသလို၊ ထိုရေစီးကိုဆန်တက်ဖို့၊ ဖောက်ထွက် ဖို့အားသွန်ကြိုးပမ်းနေသည့်အခြေအနေပေါင်းစုံအောက်တွင် ဖြတ်သန်းနေကြသော ကာလတရပ်အဖြစ်မြင် တွေ့ရပါတယ်။

(၃)ရှစ်လေးလုံးဒီမိုကရေစီတော်လှန်ရေးစိတ်ဓါတ် ဆိုသည်မှာ ကျောက်လွှာကျောက်သားများကို ထိုးခွဲ ဖောက်ထွက်နိုင်သည့်စိန်ဖူးတပ်လွန်သွားတခုနှင့်အလွန်တူလှပြီး၊ စစ်အုပ်စုနှင့်စစ်အာဏာရှင်များကိုဖယ် ရှားတိုက်ဖျက်နိုင်စွမ်းရှိသည့်ခိုင်မာထက်မြက်လှသော စိတ်ဓါတ်ဖြစ်သလို၊ ထိုစိတ်ဓါတ်ကိုဆက်လက်စွဲကိုင် ကာဦးတည်ချက် ပန်းတိုင်ကိုမျက်ခြေပြတ်မခံပဲ အရောက်ချီတက်ကြရမည်ဟု ယုံကြည်မိပါတယ်။ ဒီတော် လှန်ရေးအောင်မြင်ဖို့အတွက်ဆိုရင် ဒူးကော၊ခေါင်းကော၊စိတ်ဓါတ်ကော ခိုင်မာပြတ်သားမှအောင်မြင်နိုင် မည်ဟုဆိုလိုချင်ပါတယ်။

(၄)လွန်ခဲ့သော(၂၄)နှစ်ကစစ်တပ်၏သြဇာအာဏာနှင့်ယနေ့စစ်တပ်၏သြဇာအာဏာသည်အတူတူတတန်း တည်းရှိနေဆဲပါ။လွန်ခဲ့သော(၂၄)နှစ်ကပြည်သူလူထုသည်စစ်တပ်၏အောက်တွင်ခါးစည်းခံခဲ့ရသလို၊ယနေ့အချိန်အထိလည်းအတွင်းသဏ္ဍာန်အားဖြင့်ငြိမ်ဝပ်ပိပြားနေရဆဲပင်မဟုတ်ဘူးလား။ ၂၀၀၈ဖွဲ့စည်းပုံ၊၂၀၁၀ ရွေးကောက်ပွဲ၊ဗိုလ်သိန်းစိန်စစ်အုပ်စု၊ နေပြည်တော်လွှတ်တော်တုစတဲ့ အခင်းအကျင်း တန်ဆာပလာတွေ ဟာရှစ်လေးလုံးပြည်သူလှုပ်ရှားမှုကြီးကတောင်းဆိုခဲ့ကြတဲ့အရာတွေလား။ ၁၉၉၀ခုနှစ်ရွေးကောက်ပွဲရလဒ် ကြီးကိုဘယ်နေရာကိုရောက်သွားပြီးလဲ။ ဒီလိုလွယ်လွယ်ကူကူနဲ့မေ့ပစ်လိုက်ကြမှာလား။ စစ်မှန်သောဒီမိုက ရေစီကိုဦးတည်နေပြီလား။အများပြည်သူယုံကြည်ကြတဲ့ဖွဲ့စည်းပုံအောက်မှာပူးပေါင်းဆောင်ရွက်နေကြတာလား၊လူမိုက် အားပေး၊အဆိပ်ပင်ရေလောင်းလုပ်နေကြတာလား၊ တိုင်းရင်းသားအားလုံးအတွက်လုံခြုံစိတ်ချရတဲ့ဖက်ဒ ရယ်ကိုယ်ပိုင်ပြ ဌာန်းခွင့်တွေရဖို့သေချာနေပြီလား၊အကယ်၍ မရပဲနဲ့လက်သစ်စစ်အာဏာရှင်တွေသက်ဆိုးရှည်ခဲ့ရင် ဘယ်သူတာဝန်ခံမှာလဲ။ ဘယ်သူ့တွေမှာတာဝန်ရှိမှာလဲ။ ဒီတော်လှန်ရေးခရီးဟာသွေးခင်းထားရတဲ့လမ်းပါ။တာဝန်ယူမှု တာဝန်ခံမှုရှိတဲ့ တွေးခေါ်စဉ်းစားလုပ်ဆောင်မှုတွေမရှိဘူးဆိုရင် ဒါဟာတော်လှန်ရေးကို အပျော်ကြံတာပဲ လို့ဆိုရပါလိမ့် မယ်။ ပြည်သူလူထုအုပ်စိုးတဲ့ဒီမိုကရေစီစနစ်မှာတော့ပြည်သူလူထုမှာတာဝန်အရှိဆုံးဖြစ်ပါတယ်။ပြည်သူတဦးချင်းစီ ကမမေ့မလျော့မပေါ့မဆသော သတိတရားတွေနဲ့ထောက်ခံခြင်း၊ ဆန့်ကျင်ခြင်း၊ တိုက်တွန်းခြင်းတို့ကိုပြုလုပ်ကြရပေ လိမ်မယ်။ မိမိတို့မူလရည်မှန်းချက် မူဝါဒအခြေမပြုပဲအခြေအနေကိုကြည့်ပြီးလှေကြုံလှော်နေကြရင်တော့၊ ပေးတာယူ ကျွေးတာစားနေကြရင်တော့ စစ်မှန်တရားမျှတမှုရှိတဲ့ ဒီမိုကရေစီလူ့အသိုင်းအ၀ိုင်းကို တည်ဆောက်နိုင်တဲ့ စိတ်ဓါတ်မ ဟုတ်ဘူးလို့ ဆိုရမှာဖြစ်ပါတယ်။

(၅)ယနေ့ဗမာတိုင်းရင်းသားပေါင်းစုံပြည်သူလူထုကြီးတရပ်လုံးရဲ့တကယ့်လက်ရှိ စားဝတ်နေရေးအခြေအနေမှာအလွန် တရာမှဒုက္ခပင်လယ်ဝေနေဆဲပါ။ဒီပြည်သူလူထုရဲ့စားဝတ်နေရေးပြဿနာသည်အရေးအကြီးဆုံးဖြစ် သလို၊ဒီပြဿနာ တွေကိုဖြေရှင်းဖို့ဆိုပြီးစီးပွားရေးပြုပြင်ပြောင်းလဲမှုတွေကိုဗိုလ်သိန်းစိန်ကလုပ်ပြနေပေမဲ့တရားမျှတမှုနှင့်တရားဥပဒေစိုးမိုးမှုမရှိသေးသလို၊ နောင်တွင်လည်းဖြစ်ပေါ်လာဖို့အလားအလာမရှိသေးပါ။ တကယ်ဦးတည်နေတဲ့လမ်းကြောင်းကလက် သင့်ရာစားတော်ခေါ်တဲ့ခရိုနီစီးပွားရေးသမားတွေအကျိုးရှိစေမဲ့ထိန်းချုပ်ဈေးကွက်စီပွားရေးစနစ်(Command Capitalist Economy System) ဖြစ်ပြီး၊ လွတ်လပ်တဲ့ဈေးကွက်စီးပွားရေးစနစ်(Market Capitalist Economy System) မဟုတ်ပါ ဘူး။ လွန်ခဲ့တဲ့(၂၄)ကျော်က ထိန်းချုပ်ဆိုရှယ်လစ်စီးပွားရေး စနစ်(Command Socialist Economy System) ကိုကျင့် သုံးသွားတဲ့မဆလဟာသူတို့မှားခဲ့တဲ့လုပ်ရပ်တွေ အတွက်ဘာတာဝန်ယူမှု၊ တာဝန်ခံမှုရှိသလဲ။မျက်နှာပြောင်တိုက်ပြီးနေ ပြည်တော်လွှတ်တော်တုထဲမှာ မြန်မာ့နိုင်ငံရေးရာကို ၀င်ရောက်ချယ်လှယ်နေဆဲမဟုတ်လား။ ဒီနေ့ဗိုလ်သိန်းစိန်ရဲ့ပြုပြင် ပြောင်းလဲရေးနှင့် ၂၀၀၈ဖွဲ့စည်းပုံကို သစ္စာခံအကောင်အထည်ဖော်နေကြတဲ့ မြန်မာ့နိုင်ငံရေးသမားတွေကကော ဘယ်လို တာဝန်ယူ၊တာဝန်ခံကြမှာလဲလို့ ဒီအခမ်းအနားကြီးကတဆင့်သတိပေးစကားပါးလိုက်ပါတယ်။

(၆)အချုပ်အားဖြင့်တော့ ကျနော်တို့အတွက်ဂုဏ်သိက္ခာရှိစွာပြန်လာနိုင်ရေးတို့၊ ဘာတို့ဆိုတဲ့အခွင့်အရေးတွေအတွက် တိုက်ပွဲဝင်နေတာမဟုတ်ဘူး။ဗမာတိုင်းရင်းပေါင်းစုံပြည်သူလူထုကြီးအမှန်တကယ်လွတ်လပ်ဖို့၊ပျော်ရွင်အေးချမ်းဖို့၊သူတို့ရဲလူနေမှုဘ၀လုံခြုံစေဖို့ရှေ့ရှုပြီး၊ပြောရမယ်ဆိုရင် ရှစ်လေးလုံးရဲ့မူလဦးတည်ချက်နဲ့ဒီနေ့ဖြစ်စဉ်တွေဟာလမ်းလွဲနေပြီ။ စစ်မှန်တဲ့ဒီမိုကရေစီစနစ်တည်ဆောက်ဖို့အတွက်အန္တရယ်ရှိတယ်။ရှစ်လေးလုံးကိုတန်ဖိုးထားတယ်၊ ရှစ်လေးလုံးဦးတည် ချက်ကိုအကောင်အထည်ပေါ်အောင်ဖော်မယ်ဆိုရင်ဖြင့် ရှစ်လေးလုံးလူထုအရေးတော်ပုံကြီးမှပြည်သူလူထု၏ဆန္ဒကိုဦး ထိပ်ပန်ဆင်ပြီး၊စစ်မှန်တဲ့ဒီမိုကရေစီနှင့် ဖက်ဒရယ်ပြည်ထောင်စုပေါ်ပေါက်ရေးဆိုတဲ့အခြေခံမူကိုခိုင်မြဲစွာစွဲကိုင်လျှက်စစ် အာဏာရှင်စံနစ်သက်ဆိုးရှည်ရေးကိုအာမခံချက်ပေးထားတဲ့၂၀၀၈ ဖွဲ့စည်းပုံအ ခြေခံဥပဒေနှင့်ဒီဖွဲ့စည်းပုံကိုအခြေခံကာ ပေါ်ထွက်လာမဲ့ ဘယ်အစိုးရမျိုးကိုမဆို ဆက်လက်ဆန့်ကျင်တိုက်ပွဲဝင်သွား သင့်ပါကြောင်းနှင့်ဆက်လက် တိုက်ပွဲဝင် သွားပါမယ်ဆိုတဲ့အကြောင်း၊ဒီနေ့ထူးနေမြတ်အခါသမယမှာထပ်လောင်းစကားပါး လိုက်ပါရစေခင်ဗျာ။

တော်လှန်ရေးသစ္စာဖြင့်

ရဲထွဋ်

ဥက္ကဌ

အလုပ်အမှုဆောင်ကော်မတီ

International Foundation for Burma National Congress (IFBNC)

ifbncexecutive@gmail.com, http://ifbncblog.blogspot.com/, http://www.ifbnc.org  , http://www.ifbnc.org/bur