*ထွန်တုံးတိုက်ပွဲဆင်နွှဲခြင်း*
မိတ္ထီလာမြို့ ရှမ်းတဲတိုက်နယ် ကံကောင်းကျေးရွာ ၊ ဝမ်းတွင်းမြို့နယ်အိုးပြွန်ကန်ကျေးရွာ ၊ မလှိုင်မြို့နယ် ဘုံတော ကျေးရွာ ၊ မလှိုင်မြို့နယ် သရက်ကန်ကျေးရွာ ၊ သာစည်မြို့နယ် ကျွဲတပ်ဆုံ အစရှိသောနေရာများ တွင် ရှိသောလယ်သမား များသည်ယနေ့ (၁၀.၇.၂၀၁၂) မနက် ၇ နာရီမှစတင်ကာ၎င်းတို့မတရားသဖြင့် ဆုံးရှုံးနေသော လယ်ယာမြေများပေါ်တွင် ငြိမ်းချမ်းစွာဖြင့်ထွန်ယက်စိုက်ပျိုးမှု များ ပြန်လည်စတင်နေပြီ
ဖြစ်သည် ။ထိုသို့ထွန်ယက်စိုက်ပျိုးနေမှုများကို သက်ဆိုင်ရာ တာဝန်ရှိသူများနှင့်ရဲများကလည်း အင်အား အလုံးအရင်းဖြင့်စောင့်ကြည့်လျှက်ရှိကြောင်းသိရှိရသည်။ တောင်သူများကလည်း တရားမျှတသော
အဖြေတစ်ရပ်ရသည်အထိ ပြည်သူလူထုကြီးနှင့် သက်ဆိုင်ရာတာဝန်ရှိသူများကလယ်သမားများ ဘက်မှစာ နာနားလည်စွာဖြင့် ဝိုင်းဝန်းစေ့စပ်ဖြေရှင်းဆောင်ရွက်ပေးရန် မေတ္တာရပ်ခံတောင်းဆိုထားပါသည် ။
ဆက်သွယ်စုံစမ်းမေးမြန်းရန် - 092059904 ကိုရဲတင့် (သာစည်ကျွဲတပ်ဆုံ) -
096521385 *မိတ္ထီလာမြို့ပြည်သူ့အကျိုးဆောင်ကွန်ယက်
_သတင်းနှင့်ပြန်ကြားရေးဆပ်ကော်မတီ_*
ဆက်လက်ဖြန့်ဝေပေးပါရန်………………………..
No comments:
Post a Comment